“Divorc” presidencial, Clinton e Trump ndajnë çiftin pas 37 vitesh

“Divorc” presidencial, Clinton e Trump ndajnë çiftin pas 37 vitesh

Ata nuk i ka ndarë asgjë për 37 vite, por tani, Jackie dhe Bill Krachala pranojnë se për herë të parë kanë pikëpamje të ndryshme për zgjedhjet presidenciale.

Gruaja Jackie është një fanse e madhe e republikanit Donald Trump, duke pranuar se ai ka forcën e duhur për të kthyer Amerikën në madhështinë e saj.

Ndërsa bashkëshorti e sheh ndryshe. “Hillary Clinton është më e mira nga të dy”, tha Bill, duke shtuar se kjo e fundit “ka eksperiencë, çfarë është shumë e rëndësishme për një post të tillë”.

Por i pyetur nga gazetari i CNN-it, nëse ata do e duan njëri-tjetrin edhe pas rezultatit, përgjigjja erdhi njëzëri: dashuria jonë mund gjithçka.

Ndërkohë, një tjetër histori që shkëputet nga pasazhi i votimeve të ditës së martë, është ajo e astronautit Shane Kimbrough, të vetmit amerikan jashtë planetit, i cili ka votuar në zgjedhjet presidenciale nga Stacionin Ndërkombëtar i Hapësirës.

NASA konfirmoi se Kimbrough ka hedhur votën e tij nga orbita. Votimi është kryer në mënyrë elektronike. Gjithçka e sigurtë, gjithçka konfindenciale.

/ Top Channel

Postuar më: 8 Nëntor 2016, 22:32
Redaksia Flaka
Agjencia e Lajmeve Flaka filloi me punë në Prill të vitit 2016. Për një kohë relativisht të shkurtër angazhoi gazetarë të mirënjohur dhe me përvojë të gjatë në gazetari. Flaka tashmë është një emër i njohur në tregun mediatik në Maqedoni dhe jo vetëm.